ولدیت کے خانے میں عمران ہاشمی اور سنی لیون لکھنے والے طالب علم کو اداکار کا دلچسپ جواب 

اداکار عمران ہاشمی آج کل فلم ’چہرے‘ اور ’ممبئی ساگا‘ کی شوٹنگ میں مصروف ہیں

---

یونیورسٹی کے ایڈمٹ کارڈ پر ولدیت کے خانے میں عمران ہاشمی اور سنی لیون لکھنے والے طالب علم کو عمران ہاشمی نے دلچسپ جواب دے ڈالا۔

 

بھارتی ریاست بہار سے تعلق رکھنے والے 20 سالہ طالب علم نے اپنی یونیورسٹی کے ایڈمٹ کارڈ پر ولدیت کے خانے میں بالی ووڈ اداکار عمران ہاشمی اور اداکارہ سنی لیون کا نام لکھ کر سب کو حیرت میں مبتلا کردیا۔

یونیورسٹی انتظامیہ کی جانب سے جب خبر کو سوشل میڈیا پر ڈالا گیا تو فوراً وائرل ہوگئی جس پر اداکار عمران ہاشمی کو بھی سامنے آنا پڑا۔ سماجی رابطے کی ویب سائٹ پر اس خبر کو شیئر کرتے ہوئے عمران ہاشمی نے لکھا '' میں قسم کھاتا ہوں، یہ میرا بچہ نہیں ہے''۔

I swear he ain’t mine 🙋🏼‍♂️ https://t.co/ARpJfqZGLT

— Emraan Hashmi (@emraanhashmi) December 9, 2020

دوسری جانب عمران ہاشمی کے جواب پر صارفین کی جانب سے کمنٹس میں دلچسپ جوابات دیے گئے۔ ایک صارف نے تو اس طالب علم کا ایڈمٹ کارڈ ہی شیئر کردیا۔

Yehi hai woh Chaar Sau Bees 😂 pic.twitter.com/lzwcbKK3Bi

— EHCOBRAMAN (@EHCOBRAMAN) December 9, 2020

اشیش کمار نامی صارف نے عمران ہاشمی کو مخاطب کرتے ہوئے لکھا کہ میں ایک قدم آگے بڑھ کر کہتا کہ ہاں میں تمہارا بیٹا ہوں، لیکن سنی لیونی کو بطور ماں سوچنے سے بھی نفرت ہے کیوں کہ وہ میرا 'کرش' ہے۔

@emraanhashmi I would have gone ahead and said that "Yes I am your son" but I hate to think of Sunny as my mother. #crushonleone

— Asish Kumar Pradhan (@asishkp1990) December 9, 2020

ادھر یونیورسٹی انتظامیہ نے واقعے کی انکوائری کا حکم دیتے ہوئے کہا کہ یقینی طور پر یہ کسی کی شرارت ہے اور ممکنہ طور پر طالب علم نے خود ہی ایسا کیا ہوگا تاہم انکوائری رپورٹ کی بنیاد پر کسی کے خلاف حتمی فیصلہ لیا جائے گا۔

واضح رہے اداکار عمران ہاشمی آج کل فلم 'چہرے' اور 'ممبئی ساگا' کی شوٹنگ میں مصروف ہیں۔