سیلفی نہ بنوانے پر ہمایوں سعید نے مداح سے معافی مانگ لی

کم سے کم ہمایوں سعید نے معافی تو مانگی ورنہ کچھ فنکار تو بہت گھمنڈی ہوتے ہیں ، سوشل میڈیا صارفین

---

اداکار ہمایوں سعید کے ایک مداح نے سوشل میڈیا پر طنزیہ ٹوئٹ کرتے ہوئے کہا ہے کہ ہمایوں سعید نے انہیں تین گھنٹے تک انتظار کروایا لیکن پھر بھی ان کے ساتھ سیلفی نہیں لی۔

موجودہ دور میں سوشل میڈیا کی وجہ سے اب فنکاروں کی کوئی بات چھپتی نہیں بلکہ بڑی آسانی سے وائرل ہوجاتی ہے۔ سوشل میڈیا پر ہمایوں سعید کے ایک مداح کی ٹوئٹ بھی وائرل ہورہی ہے جس میں وہ شکایتی انداز میں کہتا ہوا نظر آرہا ہے ''ہمایوں سعید کے پیچھے میں 3 گھنٹے رہا اس نے لڑکیوں کے ساتھ تصویریں لے لی تھیں لیکن میرے ساتھ نہیں لی جس کا دکھ اور غصہ مجھے آج بھی ہے ''۔ مداح نے مزید کہا خیر جب شہرت مل جاتی ہے تو ایسا ہی ہوتا ہے۔

اس مداح کی جانب سے ٹوئٹ کرنے کے بعد ہمایوں سعید نے جوابی ٹوئٹ میں معافی مانگتے ہوئے کہا ''3 گھنٹے کے بعد میں تجھے ڈھونڈ رہا تھا، خیر معاف کردے، اگلی بار۔''

3 ghante ke baad main tujhe dhoond rah atha bhai....khair maaf kar de ...next time

— Humayun Saeed (@iamhumayunsaeed) December 1, 2020

ہمایوں سعید کی جانب سے جوابی ٹوئٹ کرنے کے بعد یہ ٹوئٹ سوشل میڈیا پر وائرل ہوگئی اور لوگوں کا کہنا ہے کہ کم سے کم ہمایوں سعید نے معافی تو مانگی ورنہ کچھ فنکار تو بہت گھمنڈی ہوتے ہیں اور ان میں ذرا بھی اخلاقیات نہیں ہوتیں۔