بورس جانسن کی لاعلمی بھارتی کسانوں کے احتجاج کو پاک بھارت مسئلہ قرار دیدیا

پاکستان اور بھارت کے درمیان جو کچھ ہورہا ہے اس پر شدید تحفظات ہیں، برطانوی وزیراعظم

---

برطانوی وزیراعظم بورس جانسن بھارت میں جاری کسانوں کے احتجاج سے ہی لاعلم نکلے اور پارلیمان میں انہوں نے اس کو پاک بھارت مسئلہ قرار دے دیا۔

برطانوی وزیراعظم بورس جانسن کو سوشل میڈیا پر اس وقت شدید تنقید کا سامنا کرنا پڑا جب وہ بھارت میں جاری کسانوں کے احتجاج کو پاکستان اور بھارت کے درمیان جاری تنازع سمجھ بیٹھے اور دونوں ممالک کو مسئلہ حل کرنے پر زور دیا۔

Many were horrified to see water cannon, tear gas and brute force being used against farmers peacefully protesting in India about #FarmersBill2020.

Everyone has the fundamental right to protest peacefully.

But it might help if our PM actually knew what he was talking about! pic.twitter.com/EvqGHMhW0Y

— Tanmanjeet Singh Dhesi MP (@TanDhesi) December 9, 2020

برطانوی پارلیمنٹ میں جب ان سے سوال کیا گیا کہ بھارت میں جاری کسانوں کے احتجاج پر برطانوی حکومت کا کیا موقف ہے اور کیا آپ بھارتی وزیراعظم سے مسئلہ کے جلد حل کے لیے کہیں گے، برطانوی وزیراعظم نے جواب میں کہا کہ ہمیں پاکستان اور بھارت کے درمیان جو کچھ جاری ہے اس پر شدید تحفظات ہیں تاہم اس مسئلہ کو دونوں ممالک نے مل کر حل کرنا ہے۔

A new low even for @BorisJohnson

My friend @tandhesi asked an important question at #PMQs about the peaceful protests by farmers in Delhi

The PM responded with a rehearsed & unrelated answer about India & Pakistan

The issue has nothing to do with Pakistan. Incredible. pic.twitter.com/yUFPOakY0h

— Afzal Khan MP (@AfzalKhanMCR) December 9, 2020

برطانوی وزیراعظم بورس جانسن کی جانب بھارت میں کسانوں کے احتجاج کو پاکستان اور بھارت سے جوڑنے پر ٹوئٹر صارفین نے انہیں آڑے ہاتھوں لیا اور بورس جانسن کی لاعلمی پر شدید غصے کا اظہار کیا۔