فلم ’انتم‘ میں سلمان خان کی پہلی جھلک سامنے آگئی

فلم ’انتم‘ میں سلمان خان اپنے علاقے سے گینگ وار اور لینڈ مافیا کا خاتمہ کرتے نظر آئیں گے (فوٹو: فائل)

---

بالی ووڈ کے سلطان سلمان خان کی آنے والی فلم 'انتم' میں ان کے کردار کی پہلی جھلک سامنے آگئی۔

دبنگ خان کے نام سے پہچانے جانے والے سلمان خان لاک ڈاؤن کی وجہ سے رواں سال کوئی فلم تو نہ کرسکے لیکن اگلے سال کے لیے وہ آنے والی دو فلموں کی شوٹنگ میں مصروف ہیں جن میں سے ایک فلم ''رادھے'' اور دوسری 'انتم' ہے۔

View this post on Instagram

A post shared by Aayush Sharma (@aaysharma)

سلو میاں کی فلم ''رادھے'' کا تو ٹیزر جاری کیا جا چکا ہے جس میں سلمان خان کے ہمراہ دیشا پٹانی اور جیکی شیروف اداکاری کرتے نظر آئیں گے تاہم اب فلم ''رادھے'' کے بعد انتم کی پہلی جھلک جاری کردی گئی ہے۔



انسٹا گرام پر جاری کردہ ویڈیو میں سلمان خان مارکیٹ میں سکھوں کی روایتی پگڑی پہنے، چشمہ لگائے چلتے ہوئے نظر آرہے ہیں۔

بھارتی میڈیا رپورٹ کے مطابق فلم ' انتم ' میں سلمان خان سکھ پولیس آفیسر کا کردار ادا کر رہے ہیں جوکہ اپنے علاقے سے گینگ وار اور لینڈ مافیا کے خاتمے کے لیے مشن پر آتے ہیں۔