شیخ رشید کے خلاف توہین عدالت کی درخواست سماعت کے لئے مقرر

شیخ رشید پر گرلز گائیڈ کی زمین خالی کروا کر اسپتال میں شامل کرنے کا الزام ہے۔ : فوٹو: فائل

---

سپریم کورٹ نے شیخ رشید کے خلاف توہین عدالت کی درخواست سماعت کیلئے مقرر کر دی۔

ایکسپریس نیوز کے مطابق سپریم کورٹ میں شیخ رشید کے خلاف توہین عدالت کی درخواست سماعت کے لئے مقرر کر دی گئی ہے، چیف جسٹس گلزار احمد کی سربراہی میں 3 رکنی بنچ 15 دسمبر کو سماعت کرے گا۔

توہین عدالت کی درخواست گرلز گائیڈ کی چیئرپرسن نے دائر کی تھی، شیخ رشید پر گرلز گائیڈ کی زمین خالی کروا کر اسپتال میں شامل کرنے کا الزام ہے، عدالت نے گرلز گائیڈ کے زیر استعمال زمین واپس لینے سے روکا تھا، سپریم کورٹ نے 2018 میں گرلز گائیڈ اراضی کی توڑی گئی دیوار دوبارہ تعمیر کرنے کا حکم دیا تھا۔