سری لنکا کے خلاف تیاری مکمل ہے ٹیسٹ سیریز جیتنے کی کوشش کریں گے اظہرعلی

پاکستان اور سری لنکا کے درمیان 3 ٹیسٹ میچوں کی سیریز کا پہلا ٹیسٹ 31 دسمبر سے ابو ظہبی میں شروع ہو گا۔ ۔فوٹو: فائل

---

قومی ٹیسٹ کرکٹر اظہر علی نے کہا ہے کہ سری لنکا کے خلاف ٹیسٹ میچوں کی سیریز کے لئے تمام کھلاڑیوں نے بھرپور محنت کی ہے عمدہ کھیل پیش کر کے سیریز جیتنے کی کوشش کریں گے۔

لاہور کے علامہ اقبال انٹر نیشنل ایئر پورٹ پر دبئی روانگی سے قبل میڈیا سے گفتگو کرتے ہوئے اظہر علی کا کہنا تھا کہ سری لنکا کے خلاف ٹیسٹ میچوں کے لئے تیاری مکمل ہے، سری لنکا کے خلاف عمدہ کھیل کا مظاہرہ کر کے ون ڈے کی طرح ٹیسٹ سیریز بھی جیتنے کی پوری کوشش کریں گے۔ لاہور سے دبئی روانہ ہونے والے دیگر کھلاڑیوں میں وکٹ کیپر عدنان اکمل، راحت علی، شان مسعود، اور خرم منظور بھی شامل ہیں جو کہ دبئی میں پاکستانی ٹیم کو جوائن کریں گے۔

واضح رہے کہ پاکستان اور سری لنکا کے درمیان 3 ٹیسٹ میچوں کی سیریز کا پہلا ٹیسٹ 31 دسمبر سے ابو ظہبی میں شروع ہو گا۔