مصطفیٰ نواز نے بلاول بھٹو زرداری کی ترجمانی سے استعفے کی تصدیق کردی

ترجمان کی حیثیت سے دیانتداری کے ساتھ ملک اور پارٹی کے مفاد میں مشورے دیے، مصطفیٰ نواز کھوکھر فوٹو: فائل

---

سینیٹر مصطفیٰ نواز کھوکھر نے بلاول بھٹو زرداری کی ترجمانی سے استعفے کی تصدیق کردی ہے۔

مصطفیٰ نواز کھوکھر نے اپنی ٹوئٹ میں کہا کہ انہوں نے ترجمان کی حیثیت سے دیانتداری اور ایمانداری کے ساتھ ملک اور پارٹی کے مفاد میں مشورے دیے۔ بلاول بھٹو زرداری کے ترجمان کے عہدے سے استعفیٰ دیا ہے لیکن پیپلز پارٹی سے نہیں۔ ہر خوشی اور غم میں بلاول بھٹو زرداری کے ساتھ کھڑا رہوں گا۔

I have resigned from the position of spokesperson to the chairman, not from #PPP. Will stand by BBZ through thick and thin. In my years as his spokesperson, have given counsel with honesty, sincerity and in the best interests of the country and the party.

— Mustafa Nawaz Khokhar (@mustafa_nawazk) December 12, 2020

گزشتہ روز میڈیا پر مصطفیٰ نواز کھوکھر کے استعفے کی خبریں آئی تھیں تاہم پیپلز پارٹی نے اس کی تردید کی تھی۔