بھارتی اداکارہ کی پراسرار ہلاکت گھر میں مردہ پائی گئیں

اداکارہ کی لاش پوسٹ مارٹم کے لیے بھجوادی گئی ہے، پولیس

---

بھارتی اداکارہ آریا بینرجی پراسرار طور پر اپنی رہائش گاہ پر مردہ پائی گئیں۔

بھارتی میڈیا کے مطابق 35 سالہ آریا بینرجی کولکتہ میں اپنی رہائش گاہ پر مردہ پائی گئیں، آریا بینرجی کا اصل نام دیودتا بینرجی تھا اور وہ کولکتہ میں اپنے اپارٹمنٹ میں اکیلی رہتی تھیں جب کہ ان کی بہن سنگاپور میں رہائش پذیر ہیں۔

پولیس کے مطابق آج صبح نوکرانی کے دروازہ بجانے پر جب کوئی جواب نہیں ملا تو نوکرانی نے فوراً پولیس اور پڑوسیوں کو آگاہ کیا، دروازہ توڑا گیا تو اندر اداکارہ کی لاش پڑی ہوئی تھی جب کہ فرش پر شراب کی بھی متعدد بوتلیں پڑی ہوئی ملیں۔

فرانسک ماہرین کے مطابق اداکارہ کی ناک سے خون بہہ رہا تھا اور انہوں نے الٹی بھی کی ہوئی تھی تاہم اداکارہ کی لاش پوسٹ مارٹم کے لیے بھجوادی گئی ہے جب کہ پولیس کی جانب سے مزید تحقیقات کی جارہی ہیں۔

واضح رہے کہ بھارتی اداکارہ آریا بینرجی نے 2 بھارتی فلموں میں کام کیا ہے جس میں 'لو، سیکس دھوکا' اور 'دی ڈرٹی پکچر شامل' ہیں