لاہور جلسے کے لیے جانے والے ن لیگی قافلے کی گاڑیوں کو حادثہ

زخمیوں کو قریبی اسپتال منتقل کردیا گیا جہاں تمام کارکنان کی حالت خطرے سے باہر ہے۔ ترجمان (ن) لیگ۔ فوٹو:فائل

---

لاہور جلسے کے لیے جانے والے (ن) لیگی قافلے کی 6 گاڑیاں آپس میں ٹکرا گئیں۔

ایکسپریس نیوز کے مطابق خیبرپختون خوا سے لاہور جلسے کے لیے جانے والے مسلم لیگ (ن) کے قافلے کی گاڑیاں حادثے کا شکار ہوگئیں، جس میں متعدد کارکنان زخمی ہوگئے۔

ترجمان اختیار ولی کے مطابق حادثہ چارسدہ اور مردان کے درمیان پیش آیا جہاں لیگی قافلے کی 6 گاڑیاں آپس میں ٹکرا گئیں، تاہم کوئی جانی نقصان نہیں ہوا، حادثے کے فوری بعد ریسکیو کی ٹیمیں پہنچ گئیں اور زخمیوں کو قریبی اسپتال منتقل کردیا گیا، جہاں تمام کارکنان کی حالت خطرے سے باہر ہے۔