پی آئی بی میں شادی کی تقریب میں ہوائی فائرنگ سے نوجوان جاں بحق

پولیس نے واقعہ کا مقدمہ درج کر کے دُلہا کے والد سمیت 2 ملزمان کو گرفتار کرلیا۔ فوٹو : فائل

---

پی آئی بی کالونی کے علاقے میں شادی کی تقریب میں ہوائی فائرنگ کے نتیجے میں زخمی ہونے والا نوجوان دوران علاج دم توڑ گیا۔

پی آئی بی کالونی میں شادی کی تقریب میں ہوائی فائرنگ کے نتیجے میں 23 سالہ محمد مصفطیٰ سرپر گولی لگنے سے زخمی ہوگیا، واقعہ کے بعد نوجوان کو فوری طور پر اسپتال منتقل کیا گیا جہاں وہ دوران علاج دم توڑ گیا۔

پولیس کے مطابق مقتول نوجوان کے اہل خانہ قانونی کارروائی نہیں کرنا چاہتے تھے جس پر پولیس نے سرکار کی مدعیت میں مقدمہ درج کر کے دُلہا کے والد نور محمد سمیت 2 ملزمان کو گرفتار کرلیا۔