سیہون میں پولیس موبائل الٹ گئی ڈی ایس پی سمیت5اہلکار زخمی

ڈی ایس پی ساؤتھ کراچی نظام الدین منگوانی، ڈرائیور محمد مسکین، جمیل احمد سمیت 5 افراد زخمی ہو گئے.فوٹو: فائل

---

بھان سعید آباد بائی پاس پر تیز رفتار پولیس موبائل الٹ گئی،حادثے کے نتیجے میں ڈی ایس پی ساؤتھ کراچی سمیت 5 اہلکار زخمی ہو گئے ۔

تفصیلات کے مطابق پی پی کی شہید رہنما بینظیر بھٹو کی برسی پر حفاظتی ڈیوٹی کے لیے گڑھی خدا بخش جانے والی کراچی پولیس کی موبائل بھان سعید آباد بائی پاس پر تیز رفتاری کے باعث الٹ گئی۔



جس کے نتیجے میں ڈی ایس پی ساؤتھ کراچی نظام الدین منگوانی، ڈرائیور محمد مسکین، جمیل احمد سمیت 5 افراد زخمی ہو گئے، تمام زخمیوں کو فوری طور پر بھان سعیدآباد اسپتال پہنچایا گیا جہاں علاج کے بعد وہ گڑھی خدا بخش روانہ ہوگئے۔