پیپلز پارٹی کی پارلیمانی پارٹی میں پہلی دراڑ رکن اسمبلی کا استعفے سے انکار

علی نواز مہر کو خدشہ ہے کہ ان کا استعفی منظور کرلیا جائے گا(فوٹو، فائل)

---

پیپلز پارٹی کے رکن صوبائی اسمبلی نے استعفی دینے سے انکار کردیا ہے۔

ایکسپریس کے مطابق ذرائع کا دعویٰ ہے کہ سندھ اسمبلی کے رکن علی نواز مہر نے پارٹی قیادت کو استعفی جمع نہ کرانے کا فیصلہ کیا ہے۔ علی نواز مہر سندھ اسمبلی کی نشست پی ایس 21 گھوٹکی سے رکن سندھ اسمبلی منتخب ہوئے تھے۔

یہ خبر بھی پڑھیے: پی ڈی ایم نے حکومت کو 31 جنوری تک مستعفی ہونے کی ڈیڈ لائن دے دی

ذرائع کا کہنا ہے کہ علی نواز مہر پیپلزپارٹی قیادت سےنالاں ہیں۔ علی نواز مہر نے گھوٹکی ضمنی الیکشن میں بھی پیپلزپارٹی امیدوار کی مخالفت کی تھی واضح رہے کہ پیپلزپارٹی نے اپنےتمام ارکان قومی و صوبائی اسمبلی سےاستعفے طلب کیے ہیں۔ قریبی زرائع کا کہنا ہے کہ علی نواز مہر نے اگر استعفی دیا تو انہیں خدشہ ہے کہ ان کا استعفی منظور نہ کرلیاجائے۔