بڑے پیمانے پر مینوفیکچرنگ میں 546 فیصد اضافہ ہوگیا اسد عمر

جس وقت عالمی معیشت کساد بازاری کا شکار ہے اس وقت پاکستان کی معاشی ترقی ہو رہی ہے، حماد اظہر

ویب ڈیسک December 15, 2020

جس وقت عالمی معیشت کساد بازاری کا شکار ہے اس وقت پاکستان کی معاشی ترقی ہو رہی ہے، حماد اظہر فوٹو:فائل

وفاقی وزیر منصوبہ بندی اسد عمر نے کہا ہے کہ بڑے پیمانے پر مینوفیکچرنگ میں 5.46 فیصد اضافہ ہوگیا۔

اسد عمر نے ٹویٹ کرتے ہوئے بتایا کہ معاشی بحالی کی رفتار میں تیزی کے ساتھ صنعتی نمو میں تیزی آئی ہے، گزشتہ سال کے مقابلے میں جولائی 2020 سے اکتوبر تک لارج اسکیل مینوفیکچرنگ میں 5.46 فیصد اضافہ ہوا، صرف اکتوبر میں گزشتہ سال اکتوبر کی نسبت 6.66 فیصد اضافہ ریکارڈ کیا گیا۔

وزیر صنعت و پیداوار حماد اظہر نے بھی ٹویٹ کرتے ہوئے کہا کہ جولائی سے اکتوبر 2020 کے دوران لارج اسکیل مینوفیکچرنگ میں 5.45 فیصد اضافہ ہوا، جس وقت عالمی معیشت کساد بازاری کا شکار ہے اس وقت پاکستان کی معاشی ترقی ہو رہی ہے۔

Industrial growth accelerates as economic recovery gathers pace. Large scale manufacturing grew by 5.46% in July to October 2020 vs same period last year. Growth in October was even higher at 6.66% vs October last year.
— Asad Umar (@Asad_Umar) December 15, 2020