کورونا وبا کے دوران جلسے منعقد کرنے پر فنکاروں کی شدید تنقید

کورونا وبا کے دوران اگر جلسے ہوسکتے ہیں توشادی ہالز اور سینما گھروں پر پابندی کیوں؟فنکار فوٹوفائل

---

پاکستانی فنکاروں نے کورونا وبا کے دوران پی ڈی ایم (پاکستان ڈیموکریٹک موومنٹ) کی جانب سے ملک بھر میں منعقد کیے جانے والے جلسوں پر تنقید کی ہے۔

پاکستان سمیت دنیا بھر میں کورونا وبا کے پیش نظر گزشتہ کئی ماہ سے ایس او پیز کے تحت، سینما گھروں، شادی ہالزاور مجمع اکھٹا کرنے سمیت تقریباً تمام سماجی سرگرمیوں پر پابندی ہے تاکہ زیادہ سے زیادہ لوگ کورونا سے محفوظ رہ سکیں۔

اس صورتحال میں اپوزیشن کی جانب سے پاکستان میں جلسے منعقد کیے جانے پر فنکاروں نے تنقید کی ہے۔ پی ڈی ایم (پاکستان ڈیمو کریٹک موومنٹ) اپوزیشن الائنس کی جانب سے 13 دسمبر کو مینار پاکستان لاہور میں منعقد ہونے والے جلسے پر گلوکار و اداکار فرحان سعید کا کہنا ہے کہ ''پاکستان مسلم لیگ (ن) کے مطابق اگر جلسے بے ضرر ہیں اور ان سے وائرس نہیں پھیلتا تو کنسرٹس، شادی ہالز اور سینما گھروں پر پابندی کیوں؟''

فرحان سعید نے نجی چینل کے اینکر پرسن وسیم بادامی کو اپنی ٹوئٹ میں مینشن کرتے ہوئے کہا براہ کرم حکام سے پوچھیں۔ کیونکہ اس پابندی کی وجہ سے بہت سارے لوگ مشکل میں ہیں۔

If according to Pml N jalsas are harmless and it doesnt spread the virus , why are their restrictions on concerts ,weddings and cinemas ? Could you @WaseemBadami please ask the authorities , because a lot of people are suffering due to this. @sayedzbukhari @ImranKhanPTI

— Farhan Saeed (@farhan_saeed) December 13, 2020

اداکارہ عروہ حسین نے بھی اپوزیشن کی جانب سے منعقد کیے جانے والے جلسوں پر غصے کا اظہار کرتے ہوئے کہا عالمی وبا کو صرف اپنے ذاتی مفاد کے لیے استعمال کیا جارہا ہے۔ جس سے یہ ظاہر ہوتا ہے کہ کیسے یہ صرف طاقت اور پیسے کے بارے میں سوچتے ہیں جب کہ اس عالمی بحران میں انسانیت مزید خطرے میں ہے۔

They could have saved their tiny little fraction of support left in Pakistan only if they weren’t using a world pandemic into their personal benefits.This only projects how power & money is all they think about while humanity is at further risk in this world crisis!

— URWA TUL WUSQUA HOCANE (@VJURWA) December 13, 2020