ایوبیہ جیپ کھائی میں گرنے سے 9 خواتین اور بچہ جاں بحق

جیپ میں موجود خواتین جنازہ میں شرکت کرکے واپس آ رہی تھیں، ڈی ایس پی گلیات . فوٹو : فائل

---

ایبٹ آباد کے نواحی علاقہ ہرنو کرلہ کے قریب مسافر جیپ کھائی میں جاگری جس کے نتیجے میں 9 خواتین اور ایک بچہ جاں بحق جب کہ 10 خواتین زخمی ہوگئیں۔

ڈی ایس پی گلیات جمیل الرحمان کے مطابق جیپ میں سوار 20 خواتین بانڈی میرہ میں جنازہ میں شرکت سے واپس آرہی تھیں کہ ڈرائیور سے بے قابو ہو کر جیپ گہری کھائی میں جا گری۔

جمیل الرحمان کا کہنا ہے کہ حادثہ کے نتیجے میں 9 خواتین اور ایک بچہ جاں بحق اور 10 خواتین زخمی ہوگئیں، جیپ کا ڈرائیور بھی شدید زخمی ہے، تمام زخمیوں کو بے نظیر شہید اسپتال ایبٹ آباد منتقل کیا گیا ہے۔