مہوش حیات نے چڑیا گھر بند کرنے کا مطالبہ کردیا

ملک میں جانوروں کے معاملے پر کسی غیر ملکی شخصیت کی مداخلت ہمارے لیے شرم ناک بات ہے، مہوش حیات (فوٹو: فائل)

---

اداکارہ مہوش حیات نے جانوروں کے حقوق کی خاطر چڑیا گھر بند کرنے کا مطالبہ کردیا۔

مہوش حیات نے ٹویٹر پر اسلام آباد چڑیا گھر کے حوالے سے ایک خبر شیئر کی جس میں بتایا گیا کہ اسلام آباد کے مرغزار چڑیا گھر کی دوسری جگہ منتقلی کے دوران 12 جانوراور پرندے ہلاک ہوئے جبکہ اسی دوران 530 جانور و پرندے غائب بھی ہوئے اور صرف 92 جانور اور پرندوں کو دیگر 6 چڑیا گھروں میں منتقل کیا گیا تھا۔

اسلام آباد ہائی کورٹ نے مرغزار چڑیا گھر بند کرکے دوسری جگہ منتقل کرنے کا حکم دیتے ہوئے کہا تھا کہ اس جگہ پر جانوروں کی دیکھ بھال کرنے کی صلاحیت اور وسائل کی کمی ہے لہذا مرغزار چڑیا گھر کے جانوروں کو دوسری جگہ منتقل کیا جائے۔

In a country where we’re still fighting for human rights,animal rights are a long way off. But come on,why do we only take action when foreign celebrities get involved?This is so embarrassing.Animals are born free- the authorities must shut these zoos now!https://t.co/jY6MzNXu7W

— Mehwish Hayat TI (@MehwishHayat) December 14, 2020

مہوش حیات نے اس خبر پر اپنا ردعمل دیتے ہوئے لکھا کہ اس ملک میں جہاں ہم اب تک انسانی حقوق کی جنگ لڑ رہے ہیں ایسے میں جانور کے حقوق کی بات کرنا دور کی بات ہے لیکن تعجب کی بات یہ ہے کہ جانوروں کے ساتھ ہونے والی ناانصافی پر ایکشن تب ہی لیا جاتا ہے جب کوئی غیر ملکی شخصیت آواز بلند کرتی ہے۔

یہ بھی پڑھیں: اُشنا شاہ نے چڑیا گھروں میں جانوروں کی نمائش پر پابندی کا مطالبہ کردیا

مہوش حیات نے یہ بھی کہا کہ ہمارے ملک میں جانوروں کے معاملے پر کسی غیرملکی شخصیت کی مداخلت ہمارے لیے شرم ناک بات ہے، درحقیقت جانور آزاد پیدا ہوتے ہیں جہاں جانوروں کے ساتھ بد سلوکی ہو وہاں کی انتظامیہ فوری طور پر ایسے چڑیا گھر بند کردے۔

یہ بھی پڑھیں: پاکستانی ہاتھی کاون کوکمبوڈیا میں دوست مل گئے

واضح رہے کہ کچھ روز قبل اسلام آباد ہائی کورٹ کے حکم پر اسلام آباد چڑیا گھر سے رہائی پانے والے کاون ہاتھی کو روسی ساختہ خصوصی طیارے کے ذریعے براستہ نئی دہلی کمبوڈیا روانہ کیا گیا تھا۔