سانحہ اے پی ایس کے شہدا کی چھٹی برسی پر شوبز فن کاروں کا خراجِ عقیدت

16 دسمبر کی صبح معصوم بچے یونیفارم پہنے، بیگ اُٹھائے اسکول گئے اور پھر واپس نہ آئے، عدنان صدیقی۔ فوٹو:فائل

---

آرمی پبلک اسکول کے شہدا کی چھٹی برسی کے موقعے پر شوبز فنکاروں نے بھی دعاؤں کے ساتھ پیغامات بھی دیئے ہیں۔

پاکستان کی تاریخ کااندوہ ناک واقعہ چھ سال قبل پشاور کے آرمی پبلک اسکول میں پیش آیا جہاں دہشت گردوں نے معصوم بچوں اور اساتذہ سمیت 150 کے قریب افراد کو شہید کردیا لیکن قوم کے حوصلے پست نہ کر سکے۔ 16 دسمبر کے آتے ہی اس المناک ساںحے کے وہ مناظر لوگوں کے ذہنوں میں تازہ ہو جاتے ہیں۔ شوبز فنکاروں نے بھی اس موقعے پر اپنے شہیدوں کے لئے خصوصی پیغامات دیے۔

عدنان صدیقی

View this post on Instagram

A post shared by Adnan Siddiqui (@adnansid1)

اداکار عدنان صدیقی نے انسٹا گرام پر جاری کردہ ویڈیو میں کہا کہ سرد خانے میں بہت ہی بھیڑ ہے، لمحہ حیرت غنیمت جانئے۔ اپنی آنکھوں پر بھروسہ کیجیئے اور اپنے بچے کا کفن پہچانئے۔ 16 دسمبر کی صبح معصوم بچے یونیفارم پہنے، بیگ اُٹھائے اسکول گئے اور پھر واپس نہ آئے۔ یقیناً یہ سارے بچے شہید ہیں۔ اللہ تعالی ان شہدا کے درجات بلند فرمائے اور اہل خانہ کو صبر جمیل عطا فرمائے۔

حدیقہ کیانی

Today marks the darkest day in our nation’s history. The day the whole nation cried, the day the most innocent souls were ripped from our world, the day families were torn apart...#APSPeshawar pic.twitter.com/LrZYNDBzgX

— Hadiqa Kiani (@Hadiqa_Kiani) December 16, 2020

گلوکارہ حدیقہ کیانی نے اپنی ٹوئٹ میں کہا کہ آج کے دن کو تاریخ کا سیاہ ترین دن مانا جاتا ہے، اس دن پوری قوم رو رہی تھی کیوں یہ وہ دن ہے جب معصوم جانوں کو ہم سے چھین کر دنیا سے جدا کر دیا گیا اور گویا انگنت خاندانوں کا شیرازہ بکھر گیا۔

ہمایوں سعید

16th December - a tragic reminder of invaluable loss in our war against terrorism. Nothing is more important than the safety and well-being of our children. May Allah always protect them all #NeverForget #APSMartyrsDay

— Humayun Saeed (@iamhumayunsaeed) December 16, 2020

اداکار ہمایوں سعید نے افسوس کا اظہار کرتے ہوئے کہا کہ 16 دسمبر کا دن وہ ہولناک یاددہانی کا دن ہے جب ہم نے 'دہشتگردی کے خلاف جنگ' میں ایسا نقصان اٹھایا جس کی کوئی ازالہ نہیں ہوسکتا۔ ہمارے بچوں کی حفاظت اور فلاح سے بڑھ کر کوئی اور شے نہیں۔ اللہ ہمارے تمام بچوں کو سلامت رکھے۔

صنم جنگ

#APSPeshawar pic.twitter.com/8ZKfDUEqUz

— Sanam Jung (@SanamJungPK) December 16, 2020

اداکارہ صنم جنگ نے اے پی ایس کے شہدا سے اظہار ہمدردی کے طور پر ایک تصویر شیئر کی جس میں ایک بچہ اسکول کا یونیفارم پہنے سیڑھیوں سے آسمانوں کی جانب جاتا ہوا نظر آرہا ہے۔ تصویر پر یہ بھی لکھا ہوا کہ ہم تمھیں نہیں بھولے۔