کشمیرہو بابری مسجد ہو یا سکھ کمیونٹی بھارت ہر روز اقلیتوں کیخلاف اقدامات کررہا ہے عامر خان

پاکستان نے بھارت کے برعکس تمام اقلیتوں کوحقیقی مذہبی آزادی دی، باکسر عامر خان ۔ فوٹو : فائل

---

پاکستانی نژاد برطانوی باکسر عامر خان نے کہا ہے کہ پاکستان بھارت کے برعکس تمام اقلیتوں کو حقیقی مذہبی آزادی دے رہا ہے۔

باکسر عامرخان نے کرتار پور راہداری اور گوردوارہ دربار صاحب کا دورہ کیا۔ اس حوالے سے انہوں نے اپنے ٹویٹر اکاؤنٹ پر ایک ویڈیو شیئر کی جس میں انہوں نے کہا کہ کرتارپور کا دورہ اور گوردوارہ دربار صاحب پر حاضری خوشگوار تجربہ رہا۔

Amazing experience visiting Kartarpur today at Guru Nanak’s shrine. Thank you for the hospitality ❤️. I request the Indian government to allow the Sikh community to visit pakistan kartarpur @PakistanFauj @OfficialDGISPR pic.twitter.com/L5gHri55CA

— Amir Khan (@amirkingkhan) December 16, 2020

اسٹار باکسر نے کہا کہ پاکستان تمام اقلیتوں کو حقیقی مذہبی آزادی دے رہا ہے جب کہ اس کے برعکس بھارت اپنی اقلیتوں کے خلاف اقدامات اٹھا رہا ہے، مقبوضہ کشمیرہو، بابری مسجد ہو یا سکھ کمیونٹی، بھارت ہر روز اقلیتوں کیخلاف اقدامات کررہا ہے۔

عامر خان نے بھارت پر زور دیتے ہوئے کہا کہ بھارتی حکومت سکھوں کیلئے گیٹ کھولے، انہیں کرتار پور گوردوارہ کا دورہ کرنے کی اجازت دیں۔