سوات میں برفانی تودہ گرنے کی ویڈیو سامنے آگئی

ISLAMABAD:
سوات کی تحصیل بحرین کے علاقے میں برفانی تودہ گرنے کی ویڈیو سامنے آگئی۔

سیرئی کے مقام پر برفانی تودے کی زد میں آکر 10 کے قریب مکانات دب گئے تاہم مکانات خالی ہونے کے باعث کوئی جانی نقصان نہیں ہوا۔ مقامی شہری نے برفانی تودے کے طوفان کی ویڈیو بھی بنالی۔ 1993ء میں اسی مقام پر گلیشیر گرنے سے 23 افراد جاں بحق ہوگئے تھے۔


ادھر دیر شہر میں شدید سردی کی لہر ہے اور درجہ حرارت منفی 6 ڈگری سنٹی گریڈ ریکارڈ کیا گیا۔ شدید سردی سے پائپ لائنز میں پانی جم گیا جس سے لوگوں کو مشکلات کا سامنا کرنا پڑا۔

محکمہ موسمیات کے مطابق صوبے میں سب سے زیادہ سردی کالام میں محسوس کی گئی جہاں درجہ حرارت منفی 11 ڈگری سنٹی گریڈ ریکارڈ کیا گیا۔
content.jwplatform.com