بلاول بھٹو کودرست وقت پرالیکشن لڑوائیں گےامین فہیم

بینظیربھٹوکی شہادت سے پیداہونیوالاخلاکبھی پورانہیں ہوسکتا،سکھر ایئر پورٹ پرگفتگو فوٹو: فائل

---

پیپلزپارٹی کے مرکزی رہنما مخدوم امین فہیم نے کہا ہے کہ بلاول بھٹو زرداری سیاسی خاندان سے تعلق رکھتے ہیں۔

ان کا سیاست میں آنا ضروری ہے تاہم بلاول بھٹو زرداری کو صحیح وقت پر الیکشن لڑوائینگے، انھوں نے یہ بات جمعے کو سکھر ایئرپورٹ پرصحافیوں سے گفتگو کرتے ہوئے کہی، ان کا کہنا تھا کہ بلاول بھٹو کو اپوزیشن لیڈر بنانا بعد کی بات ہے، پارٹی جو فیصلہ کریگی اس پرعمل کیا جائیگا، انھوں نے کہا کہ پیپلزپارٹی کو یہ اعزاز حاصل ہے کہ اسکے دورحکومت میں کوئی سیاسی قیدی نہیں تھا کیونکہ ہم انتقام کی سیاست پریقین نہیں رکھتے۔



انھوں نے کہا کہ محترمہ بینظیربھٹو کی شہادت سے پیدا ہونیوالا خلا کبھی پورا نہیں ہوسکتا، انھوں نے ملک وقوم کی خاطر جان قربان کی،آج پورے ملک سے عوام ان کی برسی میں شرکت کیلیے گڑھی خدا بخش آئے ہیں،پیپلزپارٹی شہید بینظیر بھٹو کے ادھورے مشن کوہر حال میں پایہ تکمیل تک پہنچائے گی۔