جاپان میں حقیقی چہروں والے ماسک مقبول ہونے لگے

کووڈ 19کے تناظر میں یہ ماسک اگرچہ کورونا وائرس کو تو نہیں روکتے لیکن اس سے آپ اجنبی چہرے کا نقاب اوڑھ سکتے ہیں

ویب ڈیسک December 18, 2020

جاپانی فنکار سوہائے اوکاوارا اصل انسانوں کے تھری ڈی ماسک چھاپتے ہیں اور انہیں رقم کا نصف حصہ بھی دیتے ہیں۔ فوٹو: رائٹرز

کورونا وائرس نے پوری دنیا کے لوگوں کو ماسک سے منہ چھپانے پر مجبور کردیا ہے لیکن اس تناظر میں جاپان میں اجنبی انسانی چہروں والے مکمل حقیقی ماسک کی فروخت میں عوامی دلچسپی بڑھ گئی ہے۔

سہ جہتی ماسک سوہائے اوکاوارا کی تخلیق ہیں اور ان کے ماسک کورونا وائرس کو تو نہیں روک سکتے لیکن یہ ماسک جاپان کے اصل باشندوں کے تھری ڈی پرنٹر سے چھاپے گئے چہرے ہیں جنہیں آپ بلاخوف استعمال کرسکتے ہیں۔ سوہائے کے مطابق بعض لوگ اپنے چہرے سے مطمئن نہیں ہوتے اور ہم نے سائنس فکشن فلموں میں لوگوں کو چہرے بدلتے دیکھا ہے۔ شاید یہ انسانی خواہش ہے اور اسی وجہ سے انہوں حقیقی چہروں والے ماسک بنانے کا فیصلہ کیا ہے۔

سوہائے کے مطابق وہ کئی چہرے ڈراموں اور تھیٹر کے لیے تیار کرچکے ہیں لیکن اب وہ عام افراد کے لئے بھی مردوخواتین کے حقیقی ماسک بنارہے ہیں جس کی قیمت 950 ڈالر یعنی پاکستانی ڈیڑھ لاکھ روپے کے برابر ہے۔ لیکن وہ جس ماڈل کا انجٹاب کرتے ہیں اسے تقریباً نصف قیمت ادا کرتے ہیں۔

اس سال اکتوبر میں انہوں نے لوگوں سے آن لائن درخواست کی کہ اگر وہ اپنے چہرے کے ماسک بنا کر انہیں دوسروں کو دینے کی اجازت دینا چاہتے ہیں تو رابط کریں۔ اس ضمن میں 100 خواتین اور مرد نے انہیں اپنی تصاویر بھیجیں جن میں سے بعض چہروں کو منتخب کرلیا گیا اور ان کے تھری ڈی ماسک چھاپے گئے۔

ان کے گاہکوں میں ایسے لوگ زیادہ ہیں جو حقیقی انسانی ماسک کو بطور ایک تحفہ خریدنا چاہت ہیں۔ اب وہ دنیا بھر کے لوگوں سے ان کے چہروں کے ماسک بنانے کی درخواست کریں گے۔