مہوش حیات کے بعد حمزہ علی عباسی کا بھی تمام چڑیا گھر بند کرنے کا مطالبہ

جانوروں کو تفریح کے لیے قید کرنا انتہائی ظالمانہ عمل ہے، اداکار۔ فوٹو : فائل

---

LUCKNOW: اداکارہ مہوش حیات کے بعد اداکار حمزہ علی عباسی نے بھی ملک میں تمام چڑیا گھر فوری بند کرنے کا مطالبہ کردیا ہے۔

سماجی رابطے کی سائٹ ٹوئٹر پر حمزہ علی عباسی کا کہنا تھا کہ اسلام آباد ہائی کورٹ بھی کہہ چکا ہے کہ چڑیا گھر جانوروں کے حراستی مراکز ہیں، جانوروں کو عوامی تفریح کے لیے قید کرنا انتہائی برا اور ظالمانہ عمل ہے لہذا پاکستان کے پاس دنیا میں عزت کمانے اور اللہ کو خوش کرنے کا ایک موقع ہے کہ تمام جانوروں کو رہا کرکے ملک میں تمام چڑیا گھروں کو بند کردیا جائے۔

IHC rules that Zoos are concentration camps for non human living beings. Its TRUE. Caging animals for public entertainment is CRUEL & EVIL. Pakistan has a chance to earn respect of the world & make God happy by freeing all the animals in captivity & #CloseAllPakZoos PLEASE!

— Hamza Ali Abbasi (@iamhamzaabbasi) December 17, 2020

اداکار حمزہ علی عباسی نے کہا کہ اگر آپ لوگ میری بات سے متفق ہیں تو ان کی آواز بنیں جو خود اپنے لیے بول نہیں سکتے، لہذا #CloseAllPakZoos کا ہیش ٹیگ زیادہ سے زیادہ استعمال کیا جائے۔

اس خبر کو بھی پڑھیں : مہوش حیات نے چڑیا گھر بند کرنے کا مطالبہ کردیا

If you agree, please be the voice for those who cant speak for themselves and make this hashtag trend for as long as we can so maybe someone in the decision making arena may listen especially after IHC ruling. #CloseAllPakZoos

— Hamza Ali Abbasi (@iamhamzaabbasi) December 17, 2020

چند روز قبل مہوش حیات نے یہ چڑیا گھر بند کرنے کا مطالبہ کرتے ہوئے کہا تھا کہ ملک میں جانوروں کے معاملے پر کسی غیرملکی شخصیت کی مداخلت ہمارے لیے شرم ناک بات ہے، درحقیقت جانور آزاد پیدا ہوتے ہیں جہاں جانوروں کے ساتھ بد سلوکی ہو وہاں کی انتظامیہ فوری طور پر ایسے چڑیا گھر بند کردے۔

اس خبر کو بھی پڑھیں : 'کاون' ہاتھی کے کمبوڈیا پہنچنے پرپرتپاک استقبال

واضح رہے کہ کچھ روز قبل اسلام آباد ہائی کورٹ کے حکم پر اسلام آباد چڑیا گھر سے رہائی پانے والے کاون ہاتھی کو روسی ساختہ خصوصی طیارے کے ذریعے براستہ نئی دہلی کمبوڈیا روانہ کیا گیا تھا۔