نومنتخب امریکی صدر نے ’مشیر کلائمیٹ‘ کیلیے ایک پاکستانی کا انتخاب کرلیا

پاکستانی نژاد علی زیدی اس وقت نیویارک کے ڈپٹی سیکرٹری برائے توانائی و ماحولیات کام کررہے ہیں، فوٹو: فائل

---

حال ہی میں امریکی صدر منتخب ہونے والے جو بائیڈن نے اپنی کلائمیٹ (آب و ہوا) ٹیم کے لیے پاکستانی نژاد 33 سالہ علی زیدی کو چُن لیا وہ مشیر برائے کلائمیٹ کے طور پر صدر کی معاونت کریں گے۔

عالمی خبر رساں ادارے کے مطابق امریکی صدر جوبائیڈن نے اپنی کلائمیٹ ٹیم کے اہم ارکان کی تقرری کا اعلان کیا ہے، جس میں پاکستان میں پیدا ہونے والے علی زیدی بھی شامل ہیں جو وائٹ ہاؤس کے کلائمیٹ ایڈوائزر کے طور پر خدمات انجام دیں گے۔



علی زیدی اس وقت نیویارک کے ڈپٹی سیکرٹری برائے توانائی اور ماحولیات کے طور پر کام کر رہے ہیں تاہم اب نئی ذمہ داری ملنے پر وہ جو بائیڈن انتظامیہ میں اعلیٰ ترین پاکستانی نژاد امریکی ہوں گے۔

We need a whole-of-government approach to take on the climate crisis — in a way that spurs jobs and advances justice. I was floored when President-elect @JoeBiden called. I still am — profoundly humbled, deeply honored, and so ready to get to work!

— Ali A. Zaidi (@ali_a_zaidi) December 18, 2020

اپنی ٹویٹ میں پاکستانی نژاد علی زیدی نے لکھا کہ "جب صدر جو بائیڈن نے فون کیا اور اہم ذمہ داری دینے سے آگاہ کیا تو میری خوشی کا ٹھکانہ نہ رہا اور فوری جواب دیا کہ میں گراں قدر عاجزی کے ساتھ اسے ایک اعزاز سمجھتے ہوئے کام کرنے کو تیار ہوں۔

We have no time to waste to confront the climate crisis, protect our air and water, and deliver justice to communities that have long shouldered the burdens of environmental harms.

Together, on behalf of all Americans, this team will meet this moment with the urgency it demands. pic.twitter.com/ob58nUVIJm

— Joe Biden (@JoeBiden) December 18, 2020

پاکستانی نژاد علی زیدی سابق صدر باراک اوباما کے ماتحت کام کرنے والی ماحولیاتی تحفظ ایجنسی (ای پی اے) چلانے والے جینا میک کارتی کے ماتحت کام کریں گے جن کے ذمے ملکی آب و ہوا سے متعلق ایجنڈے کو مربوط کرنا ہے۔