دوسرا ٹی 20 میچ سنسنی خیز مقابلے کے بعد پاکستان نے آسٹریلیا کو شکست دیدی

پاکستان کے کھلاڑی محمد حفیظ دوسرے ٹی 20 میچ میں شاٹ لگارہے ہیں۔ فوٹو: اے ایف پی

---

دوسرے ٹی 20 میچ میں پاکستان نے سنسنی خیز مقابلے کے بعد آسٹریلیا کو شکست دے کر 3 میچوں کی سیریز 0-2 سے جیت لی۔

تفصیلات کے مطابق پاکستان نے پہلے بیٹنگ کرتے ہوئے مقررہ 20 اوورز میں 4 وکٹوں کے نقصان پر 151 بنائے۔ محمد حفیظ 45، ناصر جمشید 45 اور کامران اکمل 43 رنز بناکر پاکستان کی طرف سے نمایاں بیٹسمین رہے۔

آسٹریلیا نے 152 رنز کا ہدف 20 اوورز میں برابر کردیا جس کے بعد میچ کا فیصلہ سپر اوورمیں ہوا۔ سپر اوورمیں آسٹریلیا نے پاکستان کو جیتنے کے لیے 12 رنز کا ہدف دیا جو پاکستان نے 1 وکٹ کے نقصان پر آخری بال میں پورا کرلیا۔

دوسرامیچ جیت کرپاکستان نے تین ٹی 20 میچوں کی سیریز بھی 0-2 سے جیت لی۔

مین آف دی میچ کا خطاب سعید اجمل کو دیا گیا۔