معروف مزاح نگار انور مقصود شدید علیل مداحوں سے دعاؤں کی درخواست

آرٹس کونس کراچی کے صدر محمد احمد شاہ نے انور مقصود کی صحت یابی کے لیے دعا کی اپیل کی ہے(فوٹو، فائل)

---

KARACHI: ملک کے ممتاز و معروف مزاح نگار انور مقصود شدید علیل ہوگئے ہیں۔

آرٹس کونسل آف پاکستان کراچی کے صدر محمد احمد شاہ نے اہل وطن سے اپیل کی ہے کہ ملک کے معروف دانشور انور مقصود کی صحت یابی کے لئے دعا کی جائے۔

اپنے ایک بیان میں محمد احمد شاہ نے کہا کہ بین الاقوامی شہرت یافتہ پاکستان کے لیجنڈ مزاح نگار و دانش ور انور مقصود شدید علیل ہیں، تمام اہل وطن ان کی صحت یابی کے لیے دعا کریں۔ انہوں نے کہا کہ انور مقصود ملک کا قیمتی سرمایہ ہیں آرٹس کونسل آف پاکستان کراچی کے ممبران ان کے لیے خصوصی دعاوں کا اہتمام کریں۔