نیوزی لینڈ کے خلاف پہلا ٹیسٹ میچ کھیلنے کے لیے پاکستان کرکٹ ٹیم ترنگا پہنچ گئی

پاکستان شاہینز میں شامل ٹیسٹ کرکٹرز بھی وانگرائے سے بذریعہ ہملٹن ترنگا پہنچ گئے

Sports Reporter December 23, 2020

کرکٹرز کچھ دیر بعد ہملٹن میں موجود پاکستان شاہینز کے اسکواڈ کو جوائن کرلیں گے: فوٹو: ایکسپریس

نیوزی لینڈ کے خلاف پہلا ٹیسٹ میچ کھیلنے کے لیے پاکستان کرکٹ ٹیم ترنگا پہنچ گئی۔

قومی اسکواڈ بذریعہ بس نیپئرسے ترنگا پہنچا، پاکستان شاہینز میں شامل ٹیسٹ کرکٹرز بھی وانگرائے سے بذریعہ ہملٹن ترنگا پہنچ گئے۔ پاکستان اور نیوزی لینڈ کے مابین پہلا ٹیسٹ میچ 26 دسمبر سے ماؤنٹ منگنوئی میں شروع ہوگا۔ پاکستان شاہینز کے ٹی ٹونٹی اسکواڈ میں شامل کھلاڑی ترنگا سے ہملٹن کے لیے روانہ ہوگئے۔

کرکٹرز کچھ دیر بعد ہملٹن میں موجود پاکستان شاہینز کے اسکواڈ کو جوائن کرلیں گے۔ پاکستان شاہینز کو اپنا پہلا ٹی ٹونٹی میچ 27 دسمبر کو ناردرن نائٹس کے خلاف ہملٹن میں کھیلنا ہے۔ محمد حفیظ اور عماد وسیم قومی اسکواڈ سے الگ ہو گئے.دونوں کھلاڑی ٹی ٹونٹی اسکواڈ کا حصہ تھے.عماد وسیم بگ بیش لیگ کھیلنے آج آسٹریلیا جبکہ محمد حفیظ کل آکلینڈ سے پاکستان کے لیے روانہ ہوں گے۔