انور مقصود بھی کورونا کا شکار

انور مقصود کے اہل خانہ نے ان میں کورونا وائرس مثبت آنے کی تصدیق کی ہے۔ فوٹوفائل

---

ملک کے ممتاز و معروف دانشور و مزاح نگار انور مقصود بھی کورونا وائرس کا شکار ہوگئے۔

گزشتہ کچھ ماہ سے کورونا وائرس کی دوسری لہر کے باعث ملک میں کیسز کی تعداد میں اضافہ دیکھنے میں آیا ہے اور پہلی لہر کے مقابلے کورونا کی دوسری لہر نے فنکاروں کی بھی بڑی تعداد کو اپنی لپیٹ میں لے لیا ہے۔

یہ بھی پڑھیں: کورونا وائرس کا شکار ہونے والے پاکستانی فنکار

حال ہی میں پاکستان کے معروف مزاح نگار انور مقصود بھی کورونا کی گرفت میں آگئے ہیں۔ انور مقصود کے اہل خانہ نے ان میں کورونا وائرس مثبت آنے کی تصدیق کی ہے۔

انور مقصود کے بیٹے بلال مقصود کے مطابق اب ان کے والد کی طبعیت پہلے سے بہتر ہے او وہ جلد ہی ٹھیک ہوجائیں گے۔

یہ بھی پڑھیں: معروف مزاح نگار انور مقصود شدید علیل

یاد رہے کہ آج صبح آرٹس کونسل آف پاکستان کراچی کے صدر محمد احمد شاہ نے بھی انور مقصود کی طبیعت کی خرابی کی اطلاع دیتے ہوئے کہا تھا کہ انور مقصود صاحب شدید علیل ہیں۔ اس کے ساتھ ہی انہوں نے تمام اہل وطن سے ان کی صحت یابی کے لیے دعا کی اپیل بھی کی تھی۔