بجلی مزید ایک روپیہ 52 پیسے فی یونٹ مہنگی کرنے کی درخواست دائر

دونوں درخواستوں پرسماعت 30 دسمبرکواسلام آباد میں ہوگی فوٹو: فائل

---

نیشنل الیکٹرک پاور ریگولیٹری اتھارٹی نے سینٹرل پاور پرچیز ایجنسی (سی سی پی اے) کو بجلی مزید ایک روپیہ 52 پیسے مہنگی کی درخواست کردی ہے۔

ایکسپریس نیوز کے مطابق نیپرا نے سینٹرل پاورپرچیزنگ ایجنسی کوبجلی 1 روپیہ 52 پیسے مہنگی کرنے کی درخواست کی ہے۔ درخواست اکتوبر اور نومبرکی فیول ایڈجسٹمنٹ کی مد میں دی گئی۔ جس میں نومبرکیلئے بجلی کی قیمت میں 95 پیسے فی یونٹ اوراکتوبرکیلئے بھی بجلی 57 پیسے فی یونٹ مہنگی کرنے کی درخواست کی گئی ہے۔

درخواست میں کہا گیا ہے کہ بجلی کی تقسیم کارکمپنیوں کو نومبر میں مجموعی طور پر 7 ارب 23 کروڑ سے زائد یونٹس بجلی فروخت کی گئی، نومبر میں فی یونٹ فیول لاگت 2روپے 48پیسے مقرر تھی جب کہ فی یونٹ بجلی پیداوار پر فیول لاگت 3 روپے 44 پیسے رہی، اس طرح بجلی کی مجموعی پیداواری لاگت 25 ارب 59 کروڑ روپے لاگت رہی۔ دونوں درخواستوں پرسماعت 30 دسمبرکواسلام آباد میں ہوگی تاہم اس کا اطلاق کے الیکٹرک صارفین پر نہیں ہوگا۔