نارتھ ناظم آباد اور اطراف میں2 دن پانی کی فراہمی بند رہے گی

متاثرہ علاقوں کے مکین پانی احتیاط سے استعمال کریں،ادارہ فراہمی و نکاسی آب۔ فوٹو:رائٹرز/ فائل

---

ادارہ فراہمی و نکاسی آب کراچی کے اعلامیے میں کہا گیا ہے کہ نارتھ ناظم آباد کی 33 انچ قطر کی پائپ لائن منتقل کی جارہی ہے۔

جس کی وجہ سے 29 اور 30 دسمبر بروز اتوار اور پیر کو صبح 8 بجے سے 2 دنوں تک 48گھنٹوں کیلیے نارتھ ناظم آباد، پاپوش نگر،عباسی اسپتال اور پہاڑ گنج سمیت تمام ملحقہ علاقوں میں پانی کی فراہمی مکمل طور پر بند رہے گی، پانی کی فراہمی 31 دسمبر منگل کی صبح 8بجے بحال کر دی جائے گی۔



اعلامیے میں کہا گیا ہے کہ ان علاقوں کے مکین پانی احتیاط سے استعمال کریں، واٹر بورڈ فراہمی آب کے نظام کو بہتر بنانے کے لیے اقدامات کر رہا ہے۔