حریم شاہ نے اب لوگوں کو سستے پلاٹ بھی بیچنا شروع کردئیے

حریم شاہ نےوزیر اعلیٰ سندھ مراد علی شاہ اور چیئرمین پیپلز پارٹی بلاول بھٹو زرداری سے بھی گزارش کی وہ اس منصوبے میں ان کا ساتھ دیں۔

---

سوشل میڈیا پر لوگ حریم شاہ کے کراچی میں سستے پلاٹس کے منصوبے پر تشویش کا اظہار کررہے ہیں۔

چند روز قبل ٹک ٹاک اسٹار حریم شاہ نے کراچی والوں کے لیے سستے پلاٹس کا منصوبہ شروع کرنے کا اعلان کیا تھا۔ ایک پریس کانفرنس کے دوران حریم شاہ کا کہنا تھا کہ انہوں نے یہ منصوبہ ان غریب لوگوں کے لیے شروع کیا ہے جو ایک عرصے سے اپنی چھت کا خواب دیکھ رہے ہیں لیکن اپنے اس خواب کی تعبیر حاصل نہیں کرپارہے۔ حریم شاہ 100 گز کا پلاٹ صرف 3 لاکھ روپے میں دے رہی ہیں۔

سوشل میڈیا پر گردش کرنے والی ایک پریس ریلیز میں حریم شاہ نے موجودہ حکومت اور وزیراعظم عمران خان پر تنقید کی ہے، عمران خان نے غریب آدمی کو اپنے گھر کے خواب دکھائے لیکن اس خواب کی تعبیر غریب آدمی کی پہنچ سے دور ہے۔

ٹک ٹاک اسٹار نےوزیر اعلیٰ سندھ مراد علی شاہ اور چیئرمین پیپلز پارٹی بلاول بھٹو زرداری سے بھی گزارش کی وہ اس منصوبے میں ان کا ساتھ دیں۔

یہ بھی پڑھیں: ٹک ٹاک اسٹار حریم شاہ نے شیخ رشید کو ' بھائی' قرار دے دیا

تاہم سوشل میڈیا پر حریم شاہ کے اس منصوبے پر تنقید کرتے ہوئے کہا جارہا ہے حریم شاہ ٹاؤن میں کون کون رہنا پسند کرے گا؟ امتیاز نامی شخص نے حریم شاہ پر طنز کرتے ہوئے کہا ٹک ٹاک کی سستی شہرت کے بعد نوجوانوں کے لیے سستی بستی اسکیم شروع کرکے نوجوانوں کو اکٹھا کرنے کی بھرپور کوشش کی ہے تاکہ وہ مزید جگہوں پر بھٹکنے سے بچ سکیں۔

حریم شاھ ٹاؤن میں کون کون رہنا پسند کرے گا؟؟؟ ٹک ٹاک کی سستی شہرت کے بعد نوجوانوں کے لئے سستی بستی اسکیم شروع کر کہ نوجوانوں کو اکٹھا کرنے کی بھرپور کوشش کی ہے تاکہ وہ مزید جگھوں پر بھٹکنے سے بچ جائیں۔۔ pic.twitter.com/WR9cqXeqO8

— Imtiaz Chandio (@imtiazchandyo) December 23, 2020

ریحانہ کوثر نامی خاتون کا کہنا ہے یہ کیا گڑبڑ گھوٹالا ہے یہ کوئی ڈبل شاہ جیسا فراڈ لگ رہا ہے۔