آصف زرداری کی مولانا فضل الرحمان کو بےنظیر بھٹو کی برسی میں شرکت کی دعوت

دونوں رہنماؤں کے درمیان ملک کی مجموعی سیاسی صورت حال پر تبادلہ خیال کیا گیا۔ فوٹو:فائل

---

آصف زرداری نے مولانا فضل الرحمان کو بے نظیر بھٹو کی برسی کے موقع پر گڑھی خدا بخش جلسے میں شرکت کی دعوت دی۔

ایکسپریس نیوزکے مطابق سابق صدر آصف زرداری نے جمعیت علمائے اسلام کے سربراہ مولانا فضل الرحمان کو فون کیا، دونوں رہنماؤں کے درمیان ملک کی مجموعی سیاسی صورت حال پر تبادلہ خیال کیا گیا، جب کہ حکومت مخالف تحریک کے حوالے سے بھی اہم بات چیت کی گئی۔

اس خبرکوبھی پڑھیں: مریم نواز 27 دسمبر کو بے نظیر بھٹو کی برسی میں شرکت کریں گی

ذرائع کا کہنا ہے کہ آصف علی زرداری نے مولانا فضل الرحمان کوبے نظیر بھٹو کے یوم شہادت پر گڑھی خدا بخش جلسے میں شرکت کی دعوت بھی دی۔ اس سے قبل پاکستان پیپلز پارٹی کے چیئرمین بلاول بھٹو زرداری نے مسلم لیگ (ن) کی نائب صدر مریم نواز کو اپنی والدہ بے نظیر بھٹو کی برسی کی تقریب میں شرکت کے لیے گڑھی خدا بخش آنے کی دعوت دی تھی، جس کا جواب بھی انتہائی مثبت دیا گیا، اور ذرائع کا کہنا ہے کہ مریم نواز کی قیادت میں مسلم لیگ (ن) کی اعلیٰ ترین قیادت 27 بے نظیر بھٹو کی برسی کے اجتماع میں شرکت کرے گی۔