کراچی میں پیر سے بدھ تک سردی کی شدت میں اضافہ ہوگا

اتوار سے کراچی میں نئے مغربی سلسلے کے تحت معمول سے تیز ہوائیں چلنے کا امکان

---

اتوار سے کراچی میں نئے مغربی سلسلے کے تحت معمول سے تیز ہوائیں چلنے کا امکان ہے۔

مغربی ہواؤں کا نیا سلسلہ ہفتے کو ملک میں داخل ہوگا اور ہواؤں کی رفتار 45 کلومیٹر فی گھنٹہ تک بڑھ سکتی ہے۔ پیر سے بدھ تک کراچی میں سردی کی شدت میں اضافہ رہے گا۔

شہر میں ان تین روز کے دوران کم سے کم پارہ سنگل ڈیجیٹ میں ریکارڈ ہوسکتا ہے اور سردی کا 7 سالہ ریکارڈ ٹوٹ سکتا ہے۔

واضح رہے کہ 2013ء میں کراچی کا کم سے کم پارہ 6 ڈگری سینٹی گریڈ ریکارڈ ہوچکا ہے۔