ہراسانی کے جھوٹے الزام کے شکار افراد کو خراج تحسین پیش کرنے پر فہد مصطفی کو تنقید کا سامنا

فہد مصطفیٰ کے نئے ڈرامے ’ڈنک‘ کی کہانی جنسی طور پر ہراساں کرنے کے جھوٹے الزامات کے گرد گھومتی ہے۔

---

سوشل میڈیا صارفین ہراسانی کے جھوٹے الزامات کا شکار ہونے والے افراد کو خراج تحسین پیش کرنے پر فہد مصطفیٰ پر شدید برہم ہیں۔

فہد مصطفیٰ کا ایک انٹرویو کے دوران اپنے نئے ڈرامے 'ڈنک' کے بارے میں کہنا تھا کہ 95 فیصد جنسی ہراسانی کے کیسز حقیقی ہوتے ہیں لیکن بعض اوقات لوگوں پر جھوٹے الزام عائد کیے جاتے ہیں لہذا ہمیں ہر طرح کی کہانی سنانی ہوگی، ڈراما سیریل 'ڈنک' کی کہانی جنسی طور پر ہراساں کرنے کے جھوٹے الزامات کے گرد گھومتی ہے۔

یہ بھی پڑھیں: 95 فیصد جنسی ہراسانی کےواقعات حقیقی ہوتے ہیں، فہد مصطفیٰ

فہد مصطفیٰ کا کہنا تھا کہ ڈراما سیریل 'ڈنک' ان تمام متاثرین کو خراج تحسین پیش کرتا ہے جو ہراسانی کے جھوٹے الزامات کا شکار ہوتے ہیں تاہم سوشل میڈیا صارفین فہد مصطفیٰ کی اس بات سے بالکل خوش نہیں ہوئے اور انہوں نے ہراسانی کے ملزمان کو خراج تحسین پیش کرنے پر فہد مصطفیٰ کو آڑے ہاتھوں لیتے ہوئے کہا ہے کہ کس بات کا خراج تحسین؟ کیا ہراسانی کے واقعے میں ملوث ہونا ( چاہے جھوٹا الزام ہی سہی) کامیابی ہے؟

Is it an achievement being victim of false allegation of sexual harassment?

Why tribute ? https://t.co/zqsU76RLVV

— ضِدی (@xeedee_) December 24, 2020

ایک خاتون نے واضح طور پر فہد مصطفیٰ پر الزام لگاتے ہوئے کہا مجھے ایسا محسوس ہورہا ہے کہ جس آدمی نے یہ ڈراما بنایا ہے وہ خواتین کو ہراساں کرنے میں ملوث ہے اور اس بات سے خوف زدہ ہے کہ کہیں اس کا کیا اس کے سامنے نہ آجائے۔

I honestly feel like men who create shit like this have already harassed women and are scared of it coming back to them https://t.co/KwJEXSUAM7

— oomfa loomfa (@BarneySendars) December 24, 2020

اسما نامی خاتون نے طنز کرتے ہوئے کہا اس معاشرے میں جہاں 90 فیصد ہراسانی کے معاملات کو دبایا جاتا ہے وہ معاشرہ اب ہراسانی کے جھوٹے الزامات میں ملوث مردوں کو خراج تحسین پیش کرنے جارہا ہے۔

https://twitter.com/AssmaShahid/status/1342263201547890692

ایک اور خاتون نے کہا ہاں ضرور خراج تحسین پیش کریں کیوں کہ ہر عورت جھوٹی اور پر مرد فرشتہ ہے جس پر صرف جھوٹے الزامات ہی لگائے جاتے ہیں۔ بے چارے مرد۔

ایک صارف نے کہا کہ جہاں 99 فیصد ہراسانی کے واقعات سچ ثابت ہوتے ہیں وہاں انہوں نے اس موضوع پر ڈراما بنانے کا انتخاب کیا، پاکستان ٹی وی انڈسٹری کبھی بھی ہمیں مایوس کرنے میں ناکام نہیں ہوتی۔

https://twitter.com/karamel_cookie/status/1342141462490869766

زینب نامی خاتون نے کہا کہ خراج تحسین؟ ہمارے تعلیمی اداروں میں روزانہ کی بنیاد پر متعدد خواتین کو ہراساں کیا جاتا ہے۔ انہوں نے (ڈراما بنانے والوں نے) ان خواتین کو کمزور مخلوق جب کہ ہراسانی کے جھوٹے الزام کا شکار ہونے والے ملزم کو الگ ہی درجے پر بٹھا دیا۔

https://twitter.com/bzainab27/status/1342152546790600706