اسلام آباد میں کشمیر ہائی وے پر گاڑیاں ٹکرانے سے 3 افراد جاں بحق اور 5 زخمی

حادثہ ٹریفک سگنل نہ ہونے اور تیز رفتاری کی وجہ سے پیش آیا - فوٹو: فائل

---

اسلام آباد میں کشمیر ہائی وے گاڑیاں آپس میں ٹکرانے سے 3 افراد جاں بحق اور 5 زخمی ہوگئے ہیں۔

وفاقی دارالحکومت میں پولیس لائنز کے قریب کشمیر ہائی وے پر 3 گاڑیاں آپس میں ٹکرانے سے 3 افراد جاں بحق اور 5 زخمی ہوگئے ہیں۔

پولیس کے مطابق ایک تیز رفتار کوسٹر گاڑی اورایک سوزوکی گاڑی آپس میں ٹکرائی تو ان میں مذید دو سوزوکی گاڑیاں جا ٹکرائیں۔

پولیس کا کہنا ہے کہ تینوں جاں بحق افراد اور پانچ زخمیوں کو ہسپتال منتقل کردیا گیا ہے۔ حادثہ ٹریفک سگنل نہ ہونے ،سڑک پر پھسلن اور تیز رفتاری کی وجہ سے پیش آیا۔ اس موقع پر ٹریفک پولیس کاکوئی اہلکار بھی موجود نہ تھا۔