اسلام آباد ٹول پلازہ کےقریب بس اورٹریلرمیں تصادم جاں بحق افراد کی تعداد7 ہوگئی

لاشوں اور زخمیوں کو اسلام آباد میں پمز اور راولپنڈی میں سی ایم ایچ منتقل کیا گیاہے۔ فوٹو: ایکسپریس نیوز

---

موٹر وے ٹول پلازہ کے قریب ٹرالر اور مسافر بس کے درمیان تصادم کے نتیجے میں جاں بحق افراد کی تعداد 7 ہوگئی ہے جبکہ 25 زخمی ہیں۔

ایکسپریس نیوز کے مطابق لاہور سے آنے والی مسافر بس اسلام آباد کے قریب موٹر وے کے ٹول پلازہ کے قریب سیمنٹ سے بھرے ٹرالر سے ٹکرا گئی۔ حادثے کے نتیجے میں 3 افراد موقع پر ہی جاں بحق ہوگئے۔ تصادم اس قدر شدید تھا کہ مسافر بس کا ایک حصہ دب گیا جس کی وجہ سے کئی مسافر گاڑی میں ہی پھنس گئے جنہیں ریسکیو اہلکاروں نے بس کاٹ کر باہر نکالا۔

امدادی رضاکاروں کا کہنا ہے کہ لاشوں زخمیوں کو پمز اسلام آباد اور سی ایم ایچ راولپنڈی منتقل کردیا گیا ہے جہاں طبی امداد کی فراہمی کے دوران 3 زخمی دم توڑ گئے جبکہ کئی کی حالت تشویشناک ہے۔