ہیلی کاپٹر حادثے میں شہید میجر ارشاد سپرد خاک

شہید کے بھائی میجر جنرل احسان، فورس کمانڈر گلگت بلتستان اور اسٹیشن کمانڈر سمیت دیگر کی شرکت (فوٹو : ایکسپریس)

---

RAWALPINDI: ہیلی کاپٹر حادثے میں شہید ہونے والے پاک فوج کے میجر محمد حسین ارشاد کو پورے فوجی اعزاز کے ساتھ سپرد خاک کردیا گیا۔

گلگت بلتستان کے ضلع گانگچھے سے تعلق رکھنے والے میجر محمد حسین گزشتہ روز ہیلی کاپٹر حادثے میں شہید ہوگئے تھے، شہید کی نماز جنازہ امامیہ جامع مسجد میں ادا کی گئی۔

یہ پڑھیں : گلگت بلتستان میں فوجی ہیلی کاپٹر گر کر تباہ، دو میجر اور دو جوان شہید



نماز جنازہ میں شہید کے بڑے بھائی میجر جنرل احسان علی، فورس کمانڈر گلگت بلتستان اور اسٹیشن کمانڈرسمیت سیاسی و مذہبی نمائندوں اور عوام کی کثیر تعداد نے شرکت کی۔ بعدازاں میجر حسین شہید کو علی آباد قبرستان میں سپرد خاک کیا گیا۔