شہرہ آفاق موسیقار اے آر رحمان کی والدہ انتقال کر گئیں

کریمہ بیگم بچوں سمیت اسلام قبول کیا تھا، فوٹو : فائل

---

بھارت میں عالمی شہرت یافتہ موسیقار اے آر رحمان کی والدہ کریمہ بیگم مختصر علالت کے بعد خالق حقیقی سے جا ملیں۔

عالمی خبر رساں ادارے کے مطابق بھارتی موسیقار اور گلوکار اے آر رحمان کی والدہ کریمہ بیگم چند روز سے علیل تھیں اور دوران علاج چینائی کے ایک اسپتال میں دم توڑ گئیں۔

شوہر کے جلد انتقال کرجانے کے سبب کریمہ بیگم ہی نے بچوں کی پرورش کی۔اے آر رحمان بچپن میں بیمار رہنے لگے اور علاج معالجے کے پیسے نہ تھے تو ان کی والدہ درگاہ جایا کرتی تھیں جہاں سے معروف موسیقار کو صحت ملی۔

pic.twitter.com/quQXlI65g4

— A.R.Rahman (@arrahman) December 28, 2020

بچوں کی صحت یابی کے بعد کریمہ بیگم کی درگاہ سے عقیدت میں اضافہ ہوگیا اور انہوں نے دونوں بچوں سمیت درگاہ کے پیر کے ہاتھوں اسلام قبول کرلیا۔

اسلام قبول کرنے کے بعد اے ایس دلیپ کمار کو درگاہ کے پیر نے 'اللہ رکھا رحمان' کا نام دیا جو بعد میں اے آر رحمان سے مشہور ہوا جب کہ والدہ کا نام کریمہ بھی درگاہ میں ہی رکھا گیا تھا۔