یاسرشاہ نے اپنی ٹیسٹ کیپ ایک تماشائی کو تحفے میں دیدی

کرکٹرز اپنے پرستاروں کو شرٹس اور سوینئرز دیتے ہیں لیکن کسی نے پہلی کیپ دی

---

قومی ٹیم کے لیگ اسپنر یاسرشاہ منگنوئی ٹیسٹ کے دوران اپنی کیپ ایک تماشائی کو تحفے میں دیدی۔

منگنوئی ٹیسٹ کے چوتھے روز نیوزی لینڈ کی بیٹنگ کے دوران لیگ اسپنر نے باؤنڈری کے قریب سے اپنی ٹیسٹ کیپ فضا میں اچھال دی، اس کو کیچ کرنے والا نوجوان خوشی سے نہال ہوگیا اور کیپ پہن کر تصاویر بنوانا شروع کر دیں، آس پاس موجود دیگر تماشائی بھی خوشگوار حیرت میں مبتلا نظر آئے۔

Pakistan leg-spinner Yasir Shah made a cricket fan’s day by gifting him his Test cap 🧢#NZvPAKhttps://t.co/Me24zklkKE

— Cricket Pakistan (@cricketpakcompk) December 29, 2020

کمنٹیٹرز بھی دلچسپ تبصرہ کرتے رہے، ان کا کہنا تھا کہ کرکٹرز اپنے پرستاروں کو شرٹس اور سوینئرز وغیرہ تحفے میں پیش کرتے رہتے ہیں مگر کسی کو ٹیسٹ کیپ دیتے ہوئے پہلی بار دیکھ رہے ہیں، اچانک ملنے والا تحفہ نوجوان کو زندگی بھر یاسر شاہ اور پاکستان ٹیم کی یاد دلاتا رہے گا۔