زامپا دوران میچ نازیبا الفاظ ادا کرنے پر ایک میچ کے لیے معطل

زامپا پر 2500 آسٹریلوی ڈالر جرمانہ بھی ہوا ہے، انھوں نے غلطی، پابندی اور جرمانہ سب کو قبول کرلیا ہے۔ فوٹو: فائل

---

بگ بیش ٹیم میلبورن اسٹارز کے لیگ اسپنر ایڈم زامپا کو دوران میچ نازیبا الفاظ ادا کرنے پر ایک میچ کیلیے معطل کردیا گیا۔

سڈنی تھنڈر کے خلاف 29 دسمبر کو کھیلے گئے میچ میں ایڈم زامپا کی جانب سے ادا کیے گئے یہ الفاظ اسٹمپ مائیکروفون کے ذریعے سنائی دیے گئے تھے، زامپا پر 2500 آسٹریلوی ڈالر جرمانہ بھی ہوا ہے، انھوں نے غلطی، پابندی اور جرمانہ سب کو قبول کرلیا ہے۔

اس سے قبل 2019 میں ورلڈ کپ کے دوران بھی اسی قسم کی حرکت پر آئی سی سی نے بھی ان کی سرزنش کردی تھی۔