کاش عامر اور سمیع اسلم ریٹائرمنٹ سے پہلے بورڈ سے بات کرلیتے احسان مانی

محمد عامر اور سمیع اسلم کے انٹرنیشنل کرکٹ چھوڑنے کے فیصلے پر افسوس ہے،چیئرمین پی سی بی۔ فوٹو : فائل

---

چیئرمین پی سی بی احسان مانی نے کہا کہ محمد عامر اور سمیع اسلم کے انٹرنیشنل کرکٹ چھوڑنے کے فیصلے پر افسوس ہے، کاش ان دونوں نے یہ فیصلہ کرنے سے پہلے بورڈ سے بات کی ہوتی۔

پی سی بی پوڈ کاسٹ میں احسان مانی نے مزید کہا کہ دنیا کے دیگر نامور فاسٹ بولرز کی طرح ہر طرز کی کرکٹ کے لیے اپنی فٹنس برقرار رکھنے کے بجائے محمد عامر نے پہلے خود کو وائٹ بال کرکٹ تک محدود کیا اور پھر ریٹائرمنٹ لے لی،سمیع اسلم کو فواد عالم کی طرف دیکھنا اور کم بیک کے لیے ڈومیسٹک کرکٹ میں بہترین کارکردگی کا مظاہرہ کرنا چاہیے تھا۔

احسان مانی نے مزیدکہا کہ کورونا کی وجہ سے یہ ایک انتہائی مشکل سال تھا تاہم کرکٹ سرگرمیوں کی بحالی میں ہم سب سے آگے رہے، پی ایس ایل 2020 کو مکمل کیا، انگلینڈ کا دورہ اور ڈومیسٹک سیزن شروع کیا، پانچوں ٹیسٹ میچز میں ہمارے ٹیم کے نوجوان اور باصلاحیت کھلاڑیوں کی کارکردگی مثبت پہلو بن کر سامنے آئی۔