کیوی کپتان کین ولیمسن نے چوتھی ڈبل سنچری اسکور کرتے میکلم کا ریکارڈ برابر کردیا۔
کرائسٹ چرچ کے ہیگلے اوول میں کھیلے جارہے میچ کے پہلے دن قومی ٹیم 297 رنز پر پویلین لوٹ گئی تھی اور دوسرے روز کے اختتام پر نیوزی لینڈ کے کپتان کین ولیمسن 112 اور ہینری نکولس 89 رنز کے ساتھ وکٹ پر موجود تھے۔
تیسرے روز کیویز نے 6 وکٹ کے نقصان پر 659 رنز بنانے کے بعد اننگز ڈیکلیئر کردی۔ آخری لمحات میں پاکستان نے شان مسعود کی قیمتی وکٹ گنوادی وہ ایک بار پھر اپنا کھاتہ کھولنے میں ناکام رہے۔
🇳🇿 Another fantastic day of Test cricket for New Zealand 🙌
— ICC (@ICC) January 5, 2021
Will they wrap up victory on day four or will we see a fightback from Pakistan? 👀#NZvPAK SCORECARD ▶ https://t.co/eVFtwym5wg pic.twitter.com/8DGPkHg7IP
نیوزی لیںڈ کی جانب سے ٹام لیتھم 33، ٹام بلنڈل 16 اور راس ٹیلر 12 رنز بناکر آؤٹ ہوئے تاہم پاکستانی فیلڈرز نے ہینری نکولس کو مسلسل چانس دیے جس کے بدولت وہ 157 رنز کی شاندار اننگز کھیلنے میں کامیاب رہے جب کہ ڈیرل مچل نے بھی شاندار سنچری اسکور کی وہ 102 رنز پر ناٹ آؤٹ رہے۔
کپتان کین ولیمسن نے ایک بار پھر ایک بیٹنگ کلاس دکھاتے ہوئے مسلسل دوسری اور ٹیسٹ کریئر کی 24ویں سنچری اسکور کی، لیکن وہ یہاں رکے نہیں بلکہ کیریئر کی چوتھی ڈبل سنچری بناکر سابق کیوی کپتان میکلم کی 4 ڈبل سنچریوں کا ریکارڈ بھی برابر کردیا۔ وہ 238 رنز بناکر فہیم اشرف کا شکار بنے۔
Kane Williamson falls ☝️
— ICC (@ICC) January 5, 2021
The New Zealand skipper is dismissed by Faheem Ashraf for 238, which is his third-highest score in Tests. What a player!#NZvPAK SCORECARD ▶ https://t.co/eVFtwym5wg pic.twitter.com/HZQpaGe2tx
اس سے قبل نیوزی لینڈ نے ٹاس جیت کر پاکستان کو بیٹنگ کی دعوت دی، قومی ٹیم کا ٹاپ آرڈر ایک بار پھر ناکام ثابت ہوا، شان مسعود کھاتہ کھولے بغیر آؤٹ ہوئے، عابد علی 25، حارث سہیل 1 رنز بناکر پویلین لوٹے، پچھلے میچ کے سنچری میکر فواد عالم بھی صرف 2 رنز کے مہمان ثابت ہوئے۔
کپتان محمد رضوان اور اظہر علی ذمہ داری کا ثبوت دیتے ہوئے نصف سنچریاں اسکور کیں تاہم اظہر علی نروس نانئینٹز کا شکار ہوکر 93 رنز پر آؤٹ ہوئے، محمد رضوان نے 61 رنز کی اننگز کھیلی۔ فہییم اشرف نے اپنی آل راؤنڈر کارکردگی میں تسلسل دکھاتے ہوئے 48 رنز کی اننگز کھیلی جب کہ اپنا پہلا ٹیسٹ کھیلنے والے ظفر گوہر نے بھی 34 رنز اسکور کیے۔
نیوزی لینڈ کی جانب سے کائلز جمیسن نے 5، ٹم ساؤتھی اور ٹرینٹ بولٹ نے 2،2 وکٹیں حاصل کیں۔
واضح رہے کہ نیوزی لینڈ کو 2 ٹیسٹ میچز کی سیریز میں پہلے ہی ایک صفر کی ناقابل شکست برتری حاصل ہے۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔