چارسدہ پولیس نے منشیات کی اسمگلنگ ناکام بنادی

پولیس نے کار کے خفیہ خانوں سے 94 کلو چرس اور 43 کلو آفیون برآمد کرلی، ملزمان گرفتار

---

چارسدہ پولیس نے سردریاب میں کارروائی کرتے ہوئے منشیات کی اسمگلنگ کی کوشش ناکام بنادی۔

ایکسپریس نیوز کے مطابق چارسدہ سٹی پولیس نے سردریاب میں منشیات کی اسمگلنگ کی کوشش ناکام بناتے ہوئے موٹرکار کے خفیہ خانوں سے 94 کلو چرس اور 43 کلو آفیون برآمد کرلی جب کہ ملزمان کو بھی گرفتار کرلیا۔

پولیس کے مطابق منشیات بڑی مقدار میں ضلع خیبر سے پنجاب اسمگل کی جارہی تھی، منشیات کو موٹرکار کی حفیہ حانوں میں چھپایا گیا تھا، چرس، آفیون اور موٹرکار بمعہ ملزم تھانہ سٹی منتقل کردیا گیا۔

ڈی پی او چارسدہ نے حفیہ اطلاع پر کارروائی کے لئے ٹیم تشکیل دی تھی۔ کارروائی میں ڈی ایس پی خالدحان ایس ایچ او تھانہ سٹی نورحیدر خان،اے ایس آئی مجیب خان اور پولیس جوانوں نے حصہ لیا۔