راولپنڈی میں امام بارگاہ کی سیکیورٹی پرمامور پولیس اہلکاروں پر فائرنگ 2 اہلکار جاں بحق ایک زخمی

18 دسمبر کو گریسی لین میں ایک امام بارگاہ کے قریب دھماکے کے بعد شہر کی امام بارگاہوں کی سیکیورٹی سخت کردی گئی تھی۔ فوٹو؛فائل

---

ریس کورس میں نامعلوم افراد کی فائرنگ کے نتیجے میں 2 پولیس اہلکارجاں بحق جب کہ ایک زخمی ہوگیا۔

ایکسپریس نیوز کے مطابق راولپنڈی کے علاقے ریس کورس میں چار نامعلوم حملہ آوروں نے اندھا دھند فائرنگ کردی جس کے نتیجے میں امام بارگاہ کی سیکیورٹی پر تعینات 3 پولیس اہلکار شدید زخمی ہوگئے جنہیں فوری طور پر اسپتال منتقل کردیا گیا تاہم 2 پولیس اہلکار زخموں کی تاب نہ لاتے ہوئے دم توڑ گئے جب کہ زخمی اہلکار کی حالت بھی تشویش ناک بتائی جارہی ہے۔

واضح رہے کہ 18 دسمبر کو راولپنڈی کے علاقے گریسی لین میں ایک امام بارگاہ کے قریب خودکش دھماکے کے باعث 4 افراد جاں بحق ہوگئے تھے جس کے بعد حکومت کی جانب سے شہر کی تمام امام بارگاہوں کی سیکیورٹی سخت کردی گئی تھی۔