پی ٹی اے کی یوٹیوب فیس بک ٹویٹر کو گستاخانہ فلم کا مواد بلاک کرنے کی ہدایت

اتھارٹی نے گستاخانہ فلم کے حوالے سے ٹریلرز ہٹانے کے لیے سوشل میڈیا پلیٹ فارم سے رابطہ کیا ہے، پی ٹی اے (فوٹو : انٹرنیٹ)

---

پاکستان ٹیلی کمیونی کیشن اتھارٹی (پی ٹی اے) نےسوشل میڈیا پلیٹ فارمز کو گستاخانہ مواد پر مشتمل فلم 'لیڈی آف ہیون، کو بلاک کرنے کی ہدایات کردی۔

پی ٹی اے کے اعلامیے کے مطابق اتھارٹی نے گستاخانہ فلم کے حوالے سے ٹریلرز ہٹانے کے لیے سوشل میڈیا پلیٹ فارم سے رابطہ کیا ہے'' لیڈی آف ہیون'' کے عنوان سے فلم کی ریلیز اور اس میں شامل گستاخانہ مواد کے حوالے سے مختلف اطلاعات کے پیش نظر، پی ٹی اے نے سوشل میڈیا پلیٹ فارمز بشمول یوٹیوب، فیس بک، انسٹاگرام، ٹویٹر کو مذکورہ فلم سے متعلقہ تمام مواد فوری طور پر بلاک کرنے کی ہدایت کی ہے۔

پی ٹی اے کے مطابق اب تک مذکورہ فلم کی جھلکیوں پر مشتمل 336 یو آر ایل کی اطلاع مختلف پلیٹ فارمز کے ذریعے موصول ہو چکی ہیں۔