یوایس اوپن برائن برادرز نے مینز ڈبلز ٹائٹل جیت کر ریکارڈ برابر کردیا

امریکا کے باب اور مائیک برائن نے یوایس اوپن مینز ڈبلز ٹائٹل جیت کر آل ٹائم12گرینڈ سلم فتوحات کا ریکارڈ برابر کردیا۔


انھوں نے فائنل میں لینڈر پیس اور راڈک اسٹیپنک کو 6-3،6-4 سے ہرایا، ان سے قبل درجن بھر گرینڈ سلم ٹائٹل فتوحات کا ریکارڈ آسٹریلیا کے جون نیوکومبے اور ٹونی روچ کی جوڑی کے نام تھا، مینز سنگلز میں دفاعی چیمپئن نووک ڈیجووک چھٹی مرتبہ سیمی فائنل میں پہنچ گئے، سرب اسٹار نے کوارٹر فائنل میں جوآن مارٹن ڈیل پوٹرو کو 6-2،7-6(7/3) اور 6-4 سے شکست دی، فائنل میں رسائی کے دوسرے معرکے میں ڈیوڈ فیررنے جانکو تیپسرووچ کو زیر کیا۔