نیوایئرنائٹ سندھ بھر میں ڈبل سواری اور آتشبازی پر پابندی کی سمری ارسال

31 دسمبر کی رات دنیا بھر کی طرح کراچی سمیت سندھ میں بھی منچلے نوجوان سڑکوں پرغل غپاڑہ کرتے ہیں.۔فوٹو:فائل

---

نیوایئرنائٹ کے باعث انتظامیہ کی جانب سے سندھ حکومت کو کل شام سے صوبے بھر میں موٹر سائیکل کی ڈبل سواری اور آتشبازی پر پابندی کی سمری ارسال ۔

محکمہ داخلہ سندھ کو موصول ہونے والی سمری میں تجویز دی گئی ہے کہ نیو ایئر نائٹ کے پیش نظر کراچی سمیت سندھ بھر میں منگل کی شام 7 بجے سے آئندہ 24 گھنٹوں کے لئے موٹر سائیکل کی ڈبل سواری، بغیر سائلنسر کی موٹر سائیکل چلانے اور آتش بازی پر بھی پابندی عائد کردی جائے ۔

واضح رہے کہ کل رواں سال کا آخری دن ہے اور 31 دسمبر کی رات دنیا بھر کی طرح کراچی سمیت سندھ کے دیگر شہروں میں بھی منچلے نوجوان سڑکوں پر سال نو کا جشن اپنے ہی انداز میں مناتے ہیں ۔