آئی سی سی ٹیسٹ رینکنگ میں نیوزی لینڈ نے ٹاپ پوزیشن پرقبضہ جمالیا

پاکستان کی ساتویں پوزیشن پر کوئی فرق نہیں پڑا

---

آئی سی سی ٹیسٹ رینکنگ میں نیوزی لینڈ نے ٹاپ پوزیشن پر قبضہ جمالیا۔

پاکستان کیخلاف کلین سوئپ کا مشن مکمل کرتے ہی کیویز نے اہنے پوائنٹس کی تعداد 118 کرتے ہوئے آسٹریلیا (116) کو دوسری پوزیشن پردھکیل دیا، پاکستان کی ساتویں پوزیشن پر کوئی فرق نہیں پڑا لیکن ویسٹ (77) سے صرف 5 پوائنٹس زیادہ رہ گئے ہیں۔

پہلی دو پوزیشنز کے علاوہ دیگر ٹیموں کی رینکنگ برقرار ہے، نیوزی لینڈ پہلے، آسٹریلیا دوسرے، بھارت تیسرے، انگلینڈ چوتھے، جنوبی افریقہ پانچویں، سری لنکا چھٹے، پاکستان ساتویں، ویسٹ انڈیز آٹھویں، افغانستان نویں اور بنگلہ دیش دسویں نمبرپرہے۔