حمزہ علی عباسی کا سانحۂ مچھ کے متاثرین سے اظہارِ افسوس

شیطان صفت افراد کی جانب سے ہزارہ برادری پر ڈھایا جانے والا یہ ایک المناک سانحہ ہے، حمزہ عباسی۔ فوٹو: فائل

---

اداکار حمزہ علی عباسی نے مچھ میں کام کرنے والے مزدوروں کی شہادت پر افسوس کا اظہار کیا ہے۔

حمزہ علی عباسی نے کوئلے کی کان میں کام کرنے والے 11 مزدوروں کو بے دردی سے قتل کئے جانے پر مذمت کرتے ہوئے کہا کہ 'بعض شیطان صفت افراد کی جانب سے ہزارہ برادری پر ڈھایا جانے والا یہ ایک المناک سانحہ ہے جو دل شکن بھی ہے۔ مجھے صرف یہ سوچ کر دلاسہ ہوتا ہے کہ یا اللہ تو یہ سب دیکھ رہا ہے'۔

The horrifying tragedy inflicted by a few EVIL MEN on the Hazara community is so heart breaking that all i can tell myself to feel some peace is that GOD IS WATCHING EVERYTHING. May Allah bless the souls of the victims & give courage to the families.

— Hamza Ali Abbasi (@iamhamzaabbasi) January 5, 2021

حمزہ عباسی نے اپنی ٹوئٹ میں یہ بھی کہا کہ اللہ رب العزت تمام مقتولین کی مغفرت فرمائے اور متاثرہ خاندانوں کو ہمت اور صبر عطا فرمائیں۔

یہ خبر بھی پڑھیں: سانحہ مچھ؛ ہزارہ برادری کا وزیراعظم کی آمد تک میتوں کی تدفین سے انکار

واضح رہے کہ بلوچستان کے ضلع بولان کی تحصیل مچھ کے علاقے گشتری میں 2 اور 3 جنوری کی درمیانی شب نامعلوم افراد نے کوئلے کی کان میں کام کرنے والے مزدوروں کو اغوا کرکے پہلے پہاڑوں پر لے جا کران پر فائرنگ کردی، جس کے نتیجے میں 11 مزدور جاں بحق اور 4 زخمی ہوئے تھے۔