اسلامیہ کالج پشاور کا طالبعلم چارسدہ میں غیرت کے نام پر قتل

چارسدہ کے علاقے مندنی میں اسلامیہ کالج پشاور کے طالب علم اویس قتل کیس میں مطلوب ملزمان کو گرفتار کرکے آلہ قتل برآمد کر لیا گیا۔

واقعہ 6 دسمبر کو چارسدہ کے علاقہ مندنی میں پیش آیا جب نوجوان اویس کی لاش کھیتوں سے برآمد ہوئی۔ کزن کو گھورنے کے شبہ میں اسے فائرنگ کرکے ابدی نیند سلا دیا گیا۔


اویس خان کو چچا زاد بھائی اور بہنوئی نے قتل کیا جو واردات کے بعد علاقے سے فرار ہوگئے تھے۔ انہوں نے اویس خان کو بھتیجی کیساتھ تعلقات کے شک میں قتل کیا۔

ڈی پی او چارسدہ محمد شعیب خان کے مطابق نامزد گرفتار ملزمان میں مقتول کا بہنوئی الیاس، مقتول کے چچازاد زین العابدین اور اسد شامل ہیں۔ ملزمان کو شک تھا کہ مقتول اویس کے زین العابدین کی بہن کیساتھ ناجائز تعلقات ہیں۔ چچازاد زین العابدین اور اسد نے اویس کو کھیتوں میں لے جاکر 6 دسمبر کو قتل کردیا۔