راولپنڈی میں زمین کا تنازع بھتیجوں نے دو چچا ایک چچی اور بیٹی کو قتل کردیا

ملزمان نے اندھادھند گولیاں برسائیں جس کے نتیجےمیں دیگر 6 فیملی ممبرز بھی شدید زخمی ہوگئے . فوٹو: فائل

---

KARACHI: تحصیل کلرسیداں کے قریبی علاقے سموٹ میں زمین کے تنازع پر بھتیجوں نے اپنے دو چچا، ایک چچی اور ان کی بیٹی کو قتل کر دیا جب کہ فائرنگ سے 6 افراد شدید زخمی بھی ہوئے۔

یونین کونسل سموٹ کے علاقے ڈھوک مر زیاں میں زمین کے تنازع پر بھتیجوں نے اپنے چچا کی فیملی پر فائرنگ کردی جس سے 4 افراد جان سے گئے۔

ملزمان نے اندھادھند گولیاں برسائیں جس کے نتیجےمیں دیگر 6 فیملی ممبرز بھی شدید زخمی ہوگئے جنہیں فوری اسپتال منتقل کردیا گیا ہے۔

بتایا گیا ہے کہ مقتولین کا اپنے کزن کرامت حسین کے ساتھ زمین کا تنازع تھا جو شدت اختیار کرگیا اور آج کرامت حسین کے بیٹوں نے فائرنگ کرکے 4 افراد کی جان لے لی۔